Kulturë

TEATRI I BUJANOCIT FITOI ÇMIMIN E PARË NË FESTIVALIN E TEATROVE AMATORE NË DARDANË

Pergaditi: Valon BEGZADI

Teatri i qytetit të Bujanocit mori pjesë në festivalin tradicional të teatrove amatore "Lulekuqet e Prillit", në Dardanë dhe fitoi cmimin e parë.

Teatri i Bujanocit mori pjesë me shfaqjen komedis "STJUARDESAT" - Mark Gameloti. Regjinë e së cilës e punoi Sara Mustafa, asistente regjie dhe regjisor i teatrit Nagip Taipi, muziken - koreografi i teatrit Burhan Salihu.
Premiera e shfaqjes ishte dhënë edhe në Bujanoc ku në teater ishin te pranishëm mbi 700 shikues çka do të thot se salla e shtepisë së kulturës në Bujanoc ishte e mbushur plot dhe kjo shfaqje u pritë shumë mirë nga publiku.
Sipas regjisorës dhe aktores së kësaj shfaqjeje pjesmarrja e teatrit në festival ishte e katërta me rradh çka do të thotë se teatri i Bujanocit kishte marrë pjesë për katër vjet rradhazi dhe çdo herë kishte marr çmime, si ato:
Çmimi i aktorit për rolin më mirë të interpretuar nga Arber Ibrahimi në rolin e Bleronit me shfaqjen "MATURANTET" në vitin 2005, çmimi për rolin më mirë të interpretuar nga Sara Mustafa ne rolin e motrës së dëshmorit me shfaqjen "GJAKU I DESHMOREVE" ne vitin 2006, çmimi për regjinë më të mirë të shfaqjes "MAKIATO BOYS" në vitin 2007 dhe tani në vitin 2008 çmimin për shfaqjen më të mirë dhe interpretimin më të mirë në grup me shfaqjen "STJUARDESAT".
Vlenë të theksohet se teatri i Bujanocit i njohur me emrin "AKTORI", punon që nga viti 2003 dhe shfaqi komedi, drama dhe shov të ndryshme gjatë periudhës 2003 - 2008. Publiku i mirepriti gjithëherë shfaqjet e ketij teatri.
Aktoret e teatrit te cilet realizuan rolet me sukses ishin: Betim ISUFI, Sara MUSTAFA, Nagip TAIPI, Shehide RASHITI, Agon ISLAMI, Arber IBRAHIMI, Shefket MSTAFA, Ilir HASANI etj.
Shpresojmë që ky teater të vazhdojë me suksese edhe në të ardhmën dhe me shpresë që të gjejë, mbeshtetje institucionale, sepse është një thënje: "Nje qytet qe nuk ka teater ai qytet nuk ka kulture"!

Zgjedhjet 2008

DO TË FITOJ OPSIONI DEMOKRATIK

Disa parti politike dhe një grupim i qytetarëve, dy ditë para se të dorëzohet lista e deputetëve për zgjedhjet parlamentare lidhën kurorë koalicioni të ri, për të participuar në këtë nivel të zgjedhjeve republikane.

Kryetarët e subjekteve politike: Partia për Veprim Demokratik-Riza Halimi, Lëvizja e Progresit Demokratik-Jonuz Musliu, Unioni Demokratik Shqiptar-dr. Mejdi Zeqiri dhe Grupimi i Qytetarëve Partia Demokratike Shqiptare dhe Bashkimi Demokratik i Luginës, lidhën koalicion të ri për të participuar në zgjedhjet parlamentare të 11 majit, të këtij viti.
Ky koalicion u arrit pas një varg marrëveshjes e bisedimesh konkrete mes krerëve të këtyre subjekteve, të cilët marrëveshjen e firmosën, dy ditë para se t'i skadoj mandati dorëzimit të listës për deputetë të mundshëm në Parlamentin e Serbisë.
Pas nënshkrimit të marrëveshjes drejtuesit e këtyre subjekteve politike dhe grupimit të qytetarëve e vlerësuan lartë një akt të tillë, i cili nuk do të shërbej vetëm sa për të participuar në zgjedhjet parlamentare, por edhe për të vazhduar bashkëpunimin edhe në aspektin kadrovik dhe financiar.
E veçanta e këtij koalicioni nuk do të qëndroj vetëm në sigurimin e një mandate në parlament, por edhe për të inicuar shumë çështje me rëndësi fundamentale në bashkëqeverisjet lokale, themelimin e Këshillit Nacional si dhe integrimin e shqiptarëve në organet komunale dhe shtetërore.
Vlen të përmendet se ky koalicion i zgjeruar është arritur në zgjedhjet e mëparshme parlamentare në mes PVD-së dhe BDL-së. Burimet nga terreni flasin se numri i deklaratave për listën e deputetëve në nivel të rajonit të Luginës ka kaluar shifrën mbi 9 mijë nënshkrime. Kanë mbetur edhe pak ditë, por edhe pak nënshkrime për të dorëzuar listën e deputetëve të mundshëm Koalicioni i Shqiptarëve të Luginës. (Revista Perspektiva & Bujanocisot)

---

Luginë e Preshevës, 22.04.2008

PËRFAQËSUESIT E AMBASADËS HUNGAREZE VIZITUAN BUJANOCIN DHE PRESHEVËN

Këto ditë para zgjedhjeve të 11 Majit Luginën e Preshevës po e vizitojën delegacione të ndryshme të ambasadave të akreduituara në Beograd. Sot e vizituan një delegacion i ambasades Hungareze.
Delegacioni i kryesuar nga Peter Hetei sekretar i dytë i kësaj ambasade dhe Tamash Bako shef i zyres për zhvillim ekonomik pranë ambasadës Hungareze në Beograd, janë takuar me prefektin e komunës së Buajnocit Nagip Arifin dhe me nënkryetarin e komunës Jonuz Musliu.
Në takimin në Bujanoc është biseduar rreth situatës politike dhe të sigurisë dhe për zgjedhjet parlamentare dhe ato lokale që do të mbahen me 11 maj.
Ky delegacion sot kanë vizituar edhe komunen e Preshevës ku u takuan me kryetarin e Komunës së Preshevës Ragmi Mustafa, kryetarin e PVD-së Riza Halimi dhe kryetarin e Bashkimit Demokratik Skender Destani.

---

Luginë e Preshevës

KRYETARI I PRESHEVËS U TAKUA ME AMBASADORIN E FRANCËS I AKREDITUAR NË BEOGRAD

Në kabinetin e kryetarit të Komunës së Preshevës ka qëndruar sot për një vizitë Ambasadori i francës i akredituar në Beograd. Në takimin mes kryetarit të Komunës së Preshevës, Ragmi Mustafa dhe ambasadorit francez, Zhan Fransua Tural janë diskutuar tema të ndryshme.
Sipas ambasadorit kjo vizitë është bërë me që ka 6 muaj që nuk ka vizituar Luginën e Preshevës por dhe është i interesuar për zhvillimet në vendin tonë. Në këtë takim është biseduar edhe për zgjedhjet parlamentare ku mesazh i ambasadorit Francez ishte se populli i Luginës së Preshevës duhet të dijë se ku e ka interesin e vendit. Nërkaq, kryetari i Komunës Ragmi Mustafa thekson se në këtë takim është biseduar për problemet në përgjithësi që i preokupojnë popullatën e Luginës së Preshevës dhe për përgatitjet për zgjedhjet lokale dhe parlamentare të 11 majit. (TV PRESHEVA)

---

Kosovë

PRISHTINA DO TË BËHET ME NDËRTESËN MË TË GJATË (LARTË) NË BALLKAN

Personat që pas disa vjetësh do të vijnë për herë të parë në Prishtinë, në hyrjen nga aeroporti i Sllatinës do të kenë çfarë të shohin. Ndërtesa 42 katëshe, e cila do të ndërtohet në lagjen “Lakërishte” në Prishtinë, do të jetë më e larta në Ballkan e më gjerë. Ndërtesa, e cila pritet të përfundohet pas 6 vjetësh dhe do të kushtojë rreth 400 milionë euro, do të ketë qendër tregtare, banesa luksoze, lokale afariste dhe zyra administrative. Investimin për ndërtimin e kësaj banese është duke e bërë firma “ENK- investitors Group” Ndërtimin e banesave me lartësi të madhe do ta bëjë edhe kompania Dukagjini. Plani Rregullues i lagjes “Lakërishte” parasheh ndërtimin e objekteve shumëkatëshe, afariste dhe banuese. Gjithashtu nuk është e kufizuar lartësia e objekteve, nëse kompanitë ndërtuese plotësojnë kriteret e përcaktuara nga Drejtoria e Urbanizmit e Komunës së Prishtinës, kanë thënë zyrtarët e Komunës së Prishtinës.

---